کراچی: متحدہ عرب امارات (یو اے ای) کے قونصل جنرل ڈاکٹر بخیت عتیق الرمیتھی نے کہا ہے کہ خلیجی ملک میں پاکستانیوں کے لیے ویزا کی کوئی پابندی نہیں ہے۔
قونصل جنرل کی وضاحت پیر کو ان خبروں کے بعد سامنے آئی ہے کہ صوبہ سندھ کے رہائشیوں کو متحدہ عرب امارات جانے کے لیے ویزے کے حصول کے حوالے سے مسائل کا سامنا ہے۔
ایک ویڈیو میں، اعلیٰ سفارت کار نے کہا: "پاکستانی تاجروں، حقیقی کارکنوں، اور دبئی، ابوظہبی، شارجہ اور دیگر شہروں میں علاج کے لیے جانے والوں کو تما سولیات فراہم کی جا رہی ہیں۔”
سفیر نے مزید کہا کہ خلیجی ملک کے پاکستان کے ساتھ 50 سال پر محیط مضبوط ثقافتی، مذہبی اور تجارتی تعلقات ہیں۔ "متحدہ عرب امارات پاکستانی بھائیوں اور بہنوں کو ویزے کے حصول کے لیے 100% سہولیات فراہم کرتا ہے۔”
تاہم، ڈاکٹر ریمیتھی نے کہا کہ کراچی قونصلیٹ میں متحدہ عرب امارات جانے والے افراد کے لیے ایک خصوصی آگاہی پروگرام شروع کیا گیا ہے، اس بات پر زور دیتے ہوئے کہ متحدہ عرب امارات جانے والوں کو مشورہ دیا جاتا ہے کہ وہ ممنوعہ اشیاء لے جانے سے گریز کریں اور مشکلات سے بچنے کے لیے اپنا سامان خود پیک کریں۔
انہوں نے اعلان کیا کہ "متحدہ عرب امارات چند دنوں میں دونوں اطراف کی کاروباری برادری کے لیے ایک نیا پروگرام شروع کرے گا۔”
انہوں نے مزید کہا کہ اس پروگرام کے تحت متحدہ عرب امارات کا قونصل خانہ ان مسافروں کو جامع سہولیات فراہم کرے گا اگر وہ کاروبار کے لیے ملک جانا چاہتے ہیں یا متحدہ عرب امارات کی کمپنیوں کو پاکستان لانے کا ارادہ رکھتے ہیں۔